حتة حكمة - حاول مرة كمان

👇خمس طرق لدعم القناة
https://youtu.be/QuSZELz4MmQ
👇كورس التخطيط الفعال
https://youtu.be/7IKyGM9fqjo
👇كورس أمهات منجزات
https://youtu.be/eBAsTj2tIJQ
👇حمل تطبيق القناة
http://bit.ly/AlibookApp2
-----------------------------
تسوق الكتب ومعدات التصوير في متجري على أمازون
https://amzn.to/2zRvv8i

----------

معظمنا لما بنبدأ مشروع جديد
أو بنحاول نكتسب مهارة أو عادة جديدة في حياتنا
بيكون عندنا أمل - أو وهم - إن كل شيء هيمشي حسب الخطة الموضوعة
وبأننا هننجح بدون معوقات ومن المحاولة الأولى!


للأسف الحياة عادة ما بتعترفش ومابتهتمش بخطتنا المثالية!

هيجيلك برد .. هتيجي مناسبة غير متوقعة ..
هتحصل بعض الأحداث اللي هتستحوذ على عقلك وتشغله ..
حد من أحبابك هيحتاج مساعدتك بشكل ما يستهلك قدر من طاقتك ..
مشكلة ما هتحصل هنا أو هناك ..
الحماس هيختفي .. شخص اعتمدت عليه هيخذلك .. وهكذا ..


كل ده طبيعي لأن الحياة أعقد وأكثر ديناميكية من خططنا المثالية!
ونتيجة ده ..إننا بنتأخر ونُحبط وممكن نتوقف تماماً عن المحاولة


طيب .. والحل؟


الحل إن كل ما الخطة تخرج عن مسارها ترجع في أسرع وقت ..
لازم تتقبل و ترضى بإن التأخير والمعوقات والفشل أمور طبيعية ..


وكل ما اتعلمت إنك تبدأ من جديد بسرعة
كل ما كانت فرصتك أكبر في النجاح والوصول لهدفك.


حاولت تعمل دايت وفشلت بعد 3 أيام؟ ..
مفيش داعي تُحبط وتحزن وتقعد شهرين على ما تبدأ دايت جديد! ..
ابدأ تاني من رابع يوم على طول .. بلاش جلد الذات ..
مش هيفيدك .. بل في الغالب هيضرك!

اتأخرت في المشروع اللي شغال عليه أو في تعلم مهارة معينة؟ ..
بلاش تستمر كتير في حالة الندم ورثاء النفس ..
ابدأ الشغل بدون تفكير كتير وبخطوات بسيطة.



تخيل لو الطفل الصغير اللي لسه بيتعلم المشي
بعد ما وقع مرة أو مرتين أصابه الإحباط وقرر ما يحاولش تاني! ..
لو الأطفال عندهم العقد النفسية بتاعة الكبار
كان زمان كل البشر ماشيين على أربع! ومحدش فيهم اتعلم المشي!
اتعلم من الطفل عادة البدء والمحاولة من جديد بدون جلد للذات
بدون إحباط.


كل مرة بتبدأ من جديد
غالباً بتكون اتعلمت واكتسبت قدر - مهما كان بسيط - من الخبرة
بيزود فرصك في النجاح في المحاولة التانية .. أو العاشرة!

أتمنى يكون الفيديو مفيد
أشوفكم قريبا مع فيديو جديد
سلام عليكم

• Category

  Self development