حتة حكمة - الروتين طريق النجاح

👇خمس طرق لدعم القناة
https://youtu.be/QuSZELz4MmQ
👇كورس التخطيط الفعال
https://youtu.be/7IKyGM9fqjo
👇كورس أمهات منجزات
https://youtu.be/eBAsTj2tIJQ
👇حمل تطبيق القناة
http://bit.ly/AlibookApp2
-----------------------------
تسوق الكتب ومعدات التصوير في متجري على أمازون
https://amzn.to/2zRvv8i
---------------------------------------
من ضمن الكلمات اللي خدت غير معناها الحقيقي هي كلمة "روتين" اللي ليها وقع سلبي على أذهان الناس .. كلمة روتين معناها الحقيقي هو "مجموعة من الخطوات المكررة" .. وهي كلمة حيادية إذ من الممكن تكون الخطوات المكررة دي إيجابية أو سلبية .. وموقفك من روتينك اليومي بيتوقف على نوعية الخطوات والأنشطة اللي انت بتكررها ..

لو كل يوم بتسهر بدون داعي وتصحى بالعافية زي الزومبي وتقرف نفسك في المواصلات ساعة أو أكتر على ما توصل الشغل .. طبيعي تكره روتينك اليومي!

إنما لو مثلاً متعود تصحى الفجر بعد قدر كافي من النوم .. تصلي وتقرا ورد قرآن في هدوء وسكينة الصبح وتدي روحك لحظات سكون .. تشرب مشروبك المفضل أو تلعب شوية رياضة .. تنجز حاجات مهمة لنفسك قبل حتى ما تروح الشغل .. وبعدين تتحرك للشغل بدري بدون استعجال لأن مارحتش عليك نومة! .. فساعتها مش هتحس بإن الروتين حاجة وحشة!

ليه الناس اللي ممكن تكون بتشتم في الروتين تلاقيها بتمدح في شرب النسكافيه كل يوم الصبح؟ .. المشكلة مش في التكرار .. المشكلة في طبيعة الشيء اللي بيتكرر.

القضية هنا إنك على أي حال هيكون عندك روتين بيتكرر في معظم أيامك حتى لو مكنتش موظف أو طالب ملتزم بمواعيد محددة .. اسأل اللي شغالين فريلانس هتلاقي يومهم بيتكرر برضو سواء كان بشكل إيجابي أو سلبي.

الروتين "الإيجابي" مطلوب وبشدة .. في الواقع يكاد يكون هو الطريق الوحيد للوصول لأهدافك وتحقيق طموحاتك! .. لماذا؟

لأن معظم الأمور المهمة في الحياة تحتاج إلى وقت واستمرارية لتحقيقها .. الواهمون فقط هم من يعتقدون أنهم لا يحتاجون للمداومة على الفعل لفترات طويلة من الزمن.. وأنهم في يوما ما سيجتهدون بشدة خلال فترة قصيرة لتحقيق الهدف المطلوب سواء كان عمل مشروع معين أو إنقاص الوزن أو التوقف عن التدخين .. وهي مجرد حيلة نفسية تجعلهم يستمرون في التسويف والمماطلة وتأجيل العمل على هذه الأمور.

هناك مقولة جميلة تخص الروتين تقول:
Routine, in an intelligent man, is a sign of ambition.
الروتين في حياة الإنسان النابه .. علامة على الطموح!

الروتين المطلوب هو المداومة والتكرار للأفعال الإيجابية مهما كانت بسيطة .. وهذا وحده ما يضمن تحقيق نتائج كبيرة.

قال صلى الله عليه وسلم: "إِنَّ أَحَبَّ الأَعْمَالِ إِلَى اللَّهِ مَا دَامَ وَإِنْ قَلَّ".
لأن القليل الدائم في الواقع "أكثر في مجموعه" من "الكثير المنقطع"

واعلم أن المداومة والتكرار للأفعال السلبية مهما كانت بسيطة يضمن نتائج كبيرة أيضاً .. لكنها نتائج غير محببة!

إنت محتاج روتين يقربك من أهدافك .. خد بالك لأن ممكن روتينك الحالي يكون بيبعدك عنها.

• Category

  Self development