Pantalones cortos crear

الديون دخلّتنا في ورطة محدش كان عامل حسابها!!
مصر بتواجه تراجع في إنتاج الغاز الطبيعي بحدود 35% خلال السنتين اللي فاتوا بسبب توقف تطوير الحقول، والحكومة بقت مضطرة تستورد الغاز المسال تاني بعد وفّفت استيرادو في ٢٠١٨.
الحكومة حاليًا بتحاول تعوض النقص ده من خلال حفر آبار جديدة وتطوير الحقول القائمة، وبتخطط ترجع الإنتاج لمستوياته الطبيعية في 2025 بالتعاون مع الشركات الأجنبية.
التراجع في انتاج الغاز أثر على قدرة الدولة في توفير الاحتياج المحلّي، واضطرت انها تطبق خطة تخفيف الأحمال عشان تقلل استهلاك الغاز.
المشكلة الأساسية اللي اتسببت في كل ده، هي تراكم ديون الشركات الأجنبيّة على مصر، والشركات وقّفت تطوير الحقول بسبب الديون دي، الحكومة في الشهور اللي فاتت بدأت تسدد مستحقات الشركات علشان تحفّزهم يرجعوا ينتجوا تاني.

البنك المركزي المصري أعلن عن زيادة كبيرة في الودائع بالعملات الأجنبية في البنوك المصرية خلال يوليو 2024، ووصلت قيمة الودائع دي لـ2.6 تريليون جنيه، مقارنة بـ1.5 تريليون جنيه في ديسمبر 2023.
الودائع الجديدة تنوّعت بين ودائع تحت الطلب وشهادات ادخار وغيرهم، والقطاع العائلي استحوذ على النصيب الأكبر منها.
الودائع بالعملة المحلية زادت هي كمان لـ7 تريليون جنيه في يوليو 2024، بعد ما كانت 6.2 تريليون في ديسمبر 2023، مع ارتفاع في ودائع القطاعات المختلفة زي الأعمال، العام، الخاص، والعائلي.