الله أكبر ... هذه هي الفائدة الحقيقية من كأس العالم في قطر ٢٠٢٢

دروس

1

0

2

الاتحاد الأوروبي دخل بشكل رسمي في الحرب التجاريّة بين الصين وأمريكا!!
أعلن الاتحاد الأوروبي عن فرض رسوم جمركيّة على العربيّات الكهربا الصينيّة بنسبة ٣٨٪، والقرار ده يعتبر قرار تاريخي خصوصاً بعد تهديدات الصين بالمعاملة بالمثل، وعلى الرغم من ان قرار زي ده المفروض يكون خبر كويّس بالنسبة للشركات الأوروبيّة والأمريكيّة، الّا ان شركة ڤولكس ڤاجن الألمانيّة واللي تعتبر من أهم شركات العالم انتقدت القرار بشدّة، وقالت ان القرار تأثيرو هيكون مضر لصناعة السيّارات الكهربائية.
وهنا ييجي سؤال مهم هي ليه أوروبا بتفرض الرسوم دي ؟
الاتحاد الأوروبي بقول ان السبب هو المنافسة غير العادلة، بس انزعاج الشركات الأوروبيّة من القرار معناه ان في إنّ.
السبب الحقيقي للعقوبات ان كان من أمريكا أو أوروبا هو تفوق الصين في المجالات دي عليهم.
علشان كده كل العقوبات بتستهدف صناعة العربيّات الكهربا وتطوير الذكاء الاصطناعي.

0

1

ابتداءً من النهاردة مفيش قطع كهربا تاني، فهل يا ترى ممكن نشوف خطة جديدة لتخفيف الأحمال ؟
النهاردة هو آخر يوم في خطة تخفيف الأحمال بحسب رئيس الوزراء الدكتور مصطفى مدبولي، وده بعد استمرار خطة تخفيف الأحمال لاكتر من سنة كاملة، بدأت في الأوّل بسبب ارتفاع درجات الحرارة واستمرت معانا لحد دلوقت بسبب أزمات تانية زي العدوان على غزّة وتأثيرو على اقتصاد مصر، وأزمة الطاقة بسبب ضعف الانتاج في حقول الغاز المصريّة.
الحكومة المصريّة اتعاقدت على كميّات غاز تكفي لغاية ٩ شهور تقريباً، والمفروض في خلال الفترة دي تكون الحكومة وفّرت خطة بديلة لإنهاء أزمة الطاقة، ولو الكلام ده لسبب أو لآخر محصلش، يبقى أزمة الكهربا هتتكرر تاني بعد ما شحنات الغاز تخلص، فهل برأيك الحكومة هتوفّر حلول بديلة قبل ما الشحنات دي تخلص ؟

1

0

2