أخطر ملف ضمن أولويّات الحكومة الجديدة!!

منظومة العمل في مصر هتتغيّر بشكل نهائي وللأبد!!
وزير العمل الجديد محمد جبران أكّد في أول تصريح ليه بعد استلامو للمنصب، إن الأولويّة بالنسبالو هي ملف العمالة الغير منتظمة.
ملف العمالة الغير منتظمة في مصر هو واحد من أخطر وأهم الملفات، والحقيقة ان التعامل معاه هيكون صعب جداً خصوصاً ان الملف ده مهمل من السبعينيات.
العمالة الغير منتظمة ليها تأثير سلبي على الاقتصاد المصري ككل، وتأثيرها الأخطر هو على الموظفين اللي شغّالين من غير أوراق رسميّة وعقود.
أوّلاً الحكومة بتتضرر علشان جمع الضرايب بيكون عمليّة صعبة وفيها هدر كتير بسبب الأنشطة اللي شغالة بلا تراخيص أساساً.
وثانيّاً العمال بيتضرروا بسبب ان مفيش عقود تضمن حقهم لو حصل أي مشكلة في الشغل، ده غير انهم شغالين من غير تأمينات وده معناه ان في المستقبل وقت التقاعد مش هيلاقوا مصدر دخل يأمنلهم حياة كريمة.
هل برأيك هتقدر الحكومة الجديدة تحل المشكلة ؟ #اقتصاد_احمس #news #مصر #اكسبلور #اقتصاد #الدولار #عاجل